SONGEA Mji wenye utajiri wa utalii wa kishujaa na kihistoria

Tarehe ya kuwekwa: February 20th, 2019

Jina la Mji wa Songea ni kumbukumbu ya Jemedari  Nduna Songea ambaye alikuwa na Ikulu yake katika Mji wa Songea.Mji wa Songea una majengo ya kumbukumbu za  kihistoria mbalimbali.

 Historia inaonesha kuwa Mji wa Songea ulianzishwa mwaka 1897 kama kituo cha kijeshi cha Kijerumani.“Mji wa Songea uliendelea kukua na kuwa Makao makuu ya  utawala wa Wajerumani katika Wilaya ya Songea,Mji huo ulizinduliwa rasmi kuwa mji wa kihistoria,kishujaa na kiutalii mwaka 2010.

  Mji wa Songea  uliathirika na Vita ya Majimaji kati ya mwaka 1905 hadi 1907 na Vita kuu ya pili ya Dunia kati ya mwaka 1939 hadi 1945.

 Licha ya Mji huo kuathirika na vita hivyo,uliendelea kuwa Makao makuu ya Mkoa wa Ruvuma wakati wa utawala wa  Waingereza katika Tanganyika,baada ya uhuru hadi leo  bado Songea ndiyo Makao Makuu ya Mkoa wa Ruvuma.

  Mji wa Songea una umaarufu wa mashujaa wa Vita ya Majimaji ambapo mashujaa 67 walinyongwa mwaka 1906 kati yao mashujaa 66 walizikwa katika kaburi moja Nduna Songea Mbano ambaye alikuwa na umaarufu,alinyongwa na  kuzikwa katika kaburi lake.Makaburi yote yapo katika Makumbusho ya Taifa ya Majimaji Songea.