TANGAZO LA NAFASI YA KAZI YA WAKUSANYA USHURU.

Tarehe ya kuwekwa: March 13th, 2021

Mkurugenzi wa Manispaa ya Songea anapenda kuwatangazia wananchi wote wenye sifa na nia ya kufanya kazi ya Ajira ya Muda (Vibarua) kwa nafasi ya Wakusanya  Ushuru - Nafasi 68.

Awe Mtanzania Mkazi wa Manispaa ya Songea.

Awe na Umri sio chini ya Miaka 18 na sio zaidi ya Miaka 55.

Awe na Elimu ya Darasa la Saba na Kuendelea.

Awe Muadilifu, Mwaminifu na hajawahi kutiwa hatiani kwa kosa la jinai.

Awe na uzoefu wa kutumia “Smart-Phone”  / EFD katika miamala ya malipo.

Kukusanya Ushuru wa Stendi,Vyoo, Misitu, Mifugo, Maegesho na/au kadri atakavyopangiwa na Afisa Mapato wa Manispaa.

3.  MASHARTI YA JUMLA;

Barua ya maombi iliyopitishwa na Mwenyekiti wa Mtaa anaoishi mwombaji iambatanishwe na nakala ya cheti cha kuzaliwa, picha moja ‘Passport size’ na barua ya Mdhamini  mwenye mali isiyohamishika ndani ya Manispaa ya Songea iliyopitishwa na Mwenyekiti wa Mtaa anaoishi Mdhamini.

Kazi ni ya Mkataba wa Miezi Mitatu ambayo Malipo yatazingatia Sheria ya Ajira Cap.300 ‘Wages Order’ 2013.

Barua za maombi ziletwe kwa mkono  ifikapo au kabla ya tarehe 23/03/2021 saa 9.30 alasiri kwa anuani ya:-

Mkurugenzi wa Manispaa,

S. L. P 14,

SONGEA