TANGAZO - UHAKIKI WA ARDHI.

Tarehe ya kuwekwa: July 20th, 2021

Katibu Mkuu Wizara ya Ardhi,Nyumba  na Maendeleo ya Makazi kwa kushirikiana  na Mkurugenzi wa Manispaa ya Songea ,anawatangazia  wamiliki wote wa ardhi ,kuwa kuna zoezi la uhakiki wa taarifa za Wamiliki wa ardhi Nchi nzima  kuanzia tarehe 1.7.2021 hadi tarehe 30.9.2021.

Watakaohusika katika zoezi hili, ni Wamiliki wote wenye Hati  Miliki, wenye Barua za toleo (letter of offer) au wanaomiliki kwa kutumia Leseni za Makazi.

Zoezi hilo la uhakiki  wa umiliki litafanyika  katika ofisi  za Ardhi na Mipango Miji  Manispaa ya Songea chumba no 36, kuanzia saa 2:00 asubuhi hadi saa 10:00 jioni.

Kila Mmiliki wa ardhi anahitajika kuwasilisha  nyaraka zifuatazo;-

Kivuli cha Hatimiliki au Barua ya Toleo au Leseni ya Makazi

Kivuli cha kitambulisho cha NIDA au namba ya NIDA

Iwapo mmiliki ni Kampuni au Taasisi,vivuli vya hati ya usajili, taarifa za wanahisa,vitambulisho vya Taifa vya wanahisa.

Wamiliki  watakaoshindwa kuwasilisha taarifa zao wenyewe kutokana na sababu mbalimbali wanaruhusiwa kuwasilisha taarifa hizo  kupitia kwa wawakilishi wao  ambao watawatambulisha kwa barua rasmi.

Limetolewa  kwa ushirikiano wa Katibu Mkuu Wizara  ya Ardhi,Nyumba na Makazi  pamoja  na Mkurugenzi wa Manispaa ya Songea

20 JULAI, 2021