TATHIMINI YA MBIO MAALUMU ZA MWENGE 2021 WILAYA YA SONGEA.

Tarehe ya kuwekwa: September 10th, 2021

NA,

AMINA PILLY,

AFISA HABARI MANISPAA,

10.09.2021.

Mkuu wa Wilaya ya Songea  Pololet Kamando Mgema leo tarehe 10 Septemba 2021 ameongoza kikao cha kufanya tathimini ya mbio maalumu za mwenge 2021 kilichofanyika katika ukumbi wa Manispaa ya Songea na kuhudhuliwa na  viongozi mbalimbali kutoka Halmashauri 3 ambazo ni Halmashauri ya Manispaa Songea , Halmashauri ya Madaba  na Halmashauri ya Wilaya ya Songea, kwa lengo la kujadili changamoto pamoja na mafanikio  mbalimbali  yaliyojitokeza katika mbio maalumu za Mwenge wa Uhuru 2021 Wilaya ya Songea.

Pamoja na changamoto mbalimbali zilizojitokeza Wilaya imejipanga kuhakikisha inasimamia miradi yote vizuri pamoja na kuahidi kufanya vizuri zaidi katika msimu ujao wa mbio maalumu za mwenge Taifa.

Mgema ametoa pongezi kwa wataalamu kwa kuweza kufanikisha na kuhitimisha kukimbiza mwenge ndani ya Wilaya ya Songea, na miradi yote iliyokaguliwa kuweza    kupitishwa kwa kuweka mawe ya msingi, kufungua, kuzindua na kukaguliwa.