Tafrija ya Kumuaga na Kumkaribisha DAS

Tarehe ya kuwekwa: July 10th, 2023

Uongozi wa Wilaya ya Songea kwa kushirikiana na Ofisi ya Mkuu wa Mkoa wa Ruvuma  imeendesha Tafrija  ya Kumuaga aliyekuwa  Katibu Tawala wa Wilaya ya Songea Bi Pendo Daniel na kumkaribisha  Katibu Tawala Mtela Mwampamba  iliyofanyika katika ukumbi wa Herritage Cottage tarehe 08 Julai 2023.

Akisoma maudhui ya tafrija hiyo Mkurugenzi Manispaa ya Songea Dkt. Frederick Sagamiko alisema “Ndugu yetu DAS Pendo  Daniel uliyekuwa Katibu Tawala Wilaya ya Songea, kama Mkoa  bado  tupo naye kwa  kuwa Mbinga ni sehemu ya Mkoa wa Ruvuma pia ukikaa na wenzio katika kipindi kirefu akiondoka inasononesha na leo hii tunakupongeza kwa Uteuzi ulioupata hongera saana.”

Akitoa neno la shukrani Bi Pendo Daniel alisema “kwa mara ya kwanza aliteuliwa 2016  na hadi kufikia 2023 ameteuliwa tena na  Mhe.  Dkt Samia Suluhu Hassan Rais wa Jamhuri ya Muungano wa Tanzania  ambapo ametoa shukrani kwa kuteuliwa na kuaminiwa katika nafasi hiyo na kwenda kuwatumikia Wananchi wa Wilaya ya Mbinga, hivyo ameahidi kuendelea kutoa ushirikiano kwa Viongozi wote, wadau pamoja na  wananchi. “ ameshuku

Kwa Upande wake Mtela Mwampamba  alisema “Tarehe 01 Julai 2016  aliteuliwa  kuwa Katibu Tawala Wilaya ya Kisarawe  na alitumikia kwa muda wa  miaka 4 minne ambapo kwa mwaka 2023 ameteuliwa kuwa DAS Songea, hivyo ameahidi kutoa ushirikiano kwa wananchi na Vingozi, Alisisitiza”

Akizungumza Katibu Tawala Msaidizi Utawala na Rasilimali watu Joel Mbewa  kwa niaba ya Ofisi ya Mkuu wa Mkoa alisema “ Desturi ya kuwaaga  watumishi wanaohama na kuhamia ni Desturi njema inayopaswa kuigwa, japokuwa sio kila Taasis inaweza kufanya hivyo, lakini mmelipa kipaumbele na kufanikisha kutekeleza jukumu hili hongereni sana.”

Mbewa aliongeza kuwa Utumishi sio kufanya kazi tu bila kuzingatia maisha  na ustawi wa Mtumishi bali watumishi wanapaswa kujiwekea utamaduni wa kupanga kukutana kwa ajili ya kubadilishana mawazo, uzoefu, kama ilivyotendeka leo katika tukio la kumuaga na kumkaribisha mtumishi  ambapo zoezi hilo linafanyika nje ya masaa ya  kazi.

Mwisho alimtakia  kazi njema Bi Pendo Daniel mahala  aendako katika kituo chake kipya cha kazi Wilaya ya Mbinga na kumkaribisha Katibu Tawala Mtela Mwampamba katika Wilaya ya Songea.

Imeandaliwa na                                                    

Amina Pilly                                                                                                                             

Kitengo cha Mawasiliano Serikalini.