TIMU YA WATAALAMU MKOA ILIVYOTEMBELEA MIRADI YA MANISPAA YA SONGEA

Tarehe ya kuwekwa: November 17th, 2023

Timu ya wataalamu kutoka ofisi ya Mkuu wa Mkoa wa Ruvuma ikiongozwa na Eng. Gilbert  Simya wamefanya ziara ya kutembelea miradi 11 ya maendeleo  yenye thamani ya shilingi 3,591,415,327 ambapo  kati ya fedha hizo kiasi cha 2,530,493,527 ni fedha za Serikali kuu na Wafadhili na kiasi cha 1,060,921,800 ni fedha za mapato ya ndani ya Halmshauri.

Ziara hiyo imeanza  leo tarehe 17 Novemba 2023 na kuhitimishwa mnamo tarehe 18 Novemba 2023  kwa lengo la  kutembelea  na kukagua mradi  wa Ujenzi wa Hosptali ya Halmashauri unaojengwa kwa thamani ya Bil. 1 ambao umeanza kutoa huduma ya awali ya matibabu OPD, Ujenzi wa shule ya Chief Zulu Academy shule ya Mchepuo wa lugha ya kiingereza inayojengwa kwa thamani ya Mil. 500 fedha za mapato ya ndani ya Halmashauri.

Miradi mingine iliyotembelewa ni ujenzi wa shule ya Sekondari  (mpya) ya Lawrence Gama iliyopo kata ya Msamala  inayojengwa kwa thamani ya Mil. 500 fedha kutoka kwa SEQUIP, Ujenzi wa vyumba 10 vya madarasa, mabweni 4, na vyoo matundu 15katika shule ya Emmanuel Nchimbi kwa thamani ya Mil 777.5 fedha kutoka Serikali kuu, Ukamilishaji wa Zahanati ya Makambi  kwa thamani ya Mil. 50 pamoja na ukarabati wa vyumba 3 vya madarasa shule ya Msingi Matogoro kwa thamani ya Mil. 40.

Akitoa pongezi  kwa kamati za ujenzi, Wataalamu wa Manispaa kwa usimamizi na ufuatiliaji wa miradi ya maendeleo ambapo ametoa wito kwa Manispaa ya Songea kuandaa walimu bora watakaoweza kusimamia na kufundisha wanafunzi katika shule ya Chief Zulu Academy.

IMEANDALIWA NA ;                                                                                      

AMINA PILLY;

KITENGO CHA MAWASILIANO SERIKALINI.