KILELE CHA KAMPENI YA SIKU 16 ZA KUPINGA UKATILI

Tarehe ya kuwekwa: December 10th, 2024

Afisa Tarafa Magharibi Songea Mjini Dismas Komba amewataka  wananchikumtumaini mungu katika imani nakujenga upendo kwa  jamii ili kuondoa chuki, tama mbaya na visasi ambavyo  huchochea  kufanyika kwa vitendo vya ukatili.

Rai hiyo imetolewa tarehe 10 desemba 2024 siku ya kilele cha kampeni ya siku ya 16 ya kupinga ukatili ambayo imefanyika katika kata ya Ruvuma Manispaa ya Songea.

Akzungumza kwa niaba ya Mkuu wa Wilaya ya Songea,  alisema “miongoni mwa kata zinazoongoza watoto chini ya miaka 18 kujishughulisha na kazi mbalimbali ni pamoja na kata ya Ruvuma, Majengo, Bombambili, na Lizaboni ambapo watoto hao huonekana wakifanya biashara katika soko la jioni.”

Amewataka wataalamu wa maendeleo ya jamii Manispaa ya Songea kufanya tafiti ili kubaini nini kinsababisha kuongezeka kwa ajira za watoto.

Akizungumza mratibu wa maadhimisho ya kupinga ukatili wa kijinsia Manispaa ya Songea Bi Joyce Mwanja alisema, Katikia kipindi cha  kuanzia Juni 2023 hadi Septemba 2024 Halmashauri ya Manispaa ya Songea imepokea kesi za ukatili  ikwemo na kesi ya Ukatili  wa kingono (21)  Wanawake 17  na Wanaume 4, Ukatili  wa kimwili (20) wote ni Wanawake, Ukatili  wa kisaikolojia (18) wote ni Wanawake, Ukatili  wa kiuchumi kesi (04) Wanawake 03  na Wanaume 01

Aidha,  licha ya idadi ya kesi za ukatili  zilizotolewa taarifa, pia kuna jumla ya watoto waliotambuliwa katika utumikishwaji ambao idadi yao ni wasichana 25 na wavulana 29.

Aliongeza kuwa Lengo la kampeni hii ni kuongeza ushawishi, kubadilishana taarifa, uzoefu, kujenga uwezo wa pamoja, matumizi mazuri ya raslimali zinazopatikana na kuunganisha nguvu za asasi za kijamii katika kuhamasisha, kuelimisha, kukemea na kuchukua hatua kwa pamoja ili kupinga ukatili wa kijinsia katika jamii.  

Kaulimbiu ya mwaka 2024 ‘’Kuelekea miaka +30 ya Beijing Chagua Kutokomeza Ukatili wa Kijinsia.’’ 

Kauli mbiu hii inalenga kupaza sauti ya pamoja na ili kuongeza uelewa kwa jamii kuhusu athari hasi za ukatili wa kijinsia na njia za kuondokana na ukatili huo katika jamii.

IMEANDALIWA NA;

AMINA PILLY

KITENGO CHA MAWASILIANO SERIKALINI