TUPINGE UKATILI WA KIJINSIA.

Tarehe ya kuwekwa: December 11th, 2020

Ukatili wa kijinsia ni kitendo ambacho kinafanywa na mtu kwa  kumfanyia mtu mwingine bila kujali umri, maumbile,  kabila,  rangi,  dini, lakini matukio mengi  huwagusa wanawake na watoto kwa  Kwakufanyiwa ukatili wa kimwili, kingono, kiuchumi na kisaikolojia.

Hayo yamebainika siku ya kilele cha maadhimisho ya siku 16 za kupinga ukatili wa kijinsia na watoto yalifanyika katika viwanja vya zimanimoto tarehe 10 disemba 2020 yaliyodhaminiwa na wadau kutoka USAID- Boresha afya kwa  lengo la  kukuza uelewa juu ya ukatili wa kijinsia kutoka ngazi ya chini ya jamii hadi ngazi ya Taifa.

Mgeni rasmi katika maadhimisho hayo alikuwa  Mkuu wa wilaya ya Songea Pololet Kamando Mgema ambaye aliwakilishwa na Katibu Tawala  Wilaya Pendo Daniel ambaye alianza kwa kutembelea vibanda vya  maonesho mbalimbali ikiwemo na Upimaji wa Virus Vya Ukimwi.

Pendo alisema “ ni lazima tutambue kuwa hiyo ni fursa ya pekee ambayo hutoa nafasi ya kuhamasisha na kuelimisha jamii kuhusu haki za binadamu hususani haki za wanawake na watoto ambao hunyanyasika sana kutokana na unyonge walionao, na hatuna budi kuitumia fursa hiyo kwa ajili ya kuelimisha jamii, na kukemea vitendo vyote vya ukatili wa kijinsia kama ukandamizaji wa wanawake na watoto”.

Serikali kupitia Wizara ya Afya, maendeleo ya jamii, Wazee na watoto ili kuandaa na kutekeleza Mpango huu wa watoto ( MTAKUWA 2017/2021) ukiwa umejidhatiti   kusimamia mambo yote yanayohusu ulinzi wa mwanamke na mtoto.

Naye Afisa Ustawi wa jamii Manispaa ya Songea Devotha Ndunguru  alisema”  ukatili wa kijinsia unaweza kusababisha Migogoro ya ndoa,  maambukizi ya VVU, ulemavu wa kudumu, upotevu wa maisha, mauaji ya watoto, mimba za utotoni, kuugua,  na mauaji ya watoto wa mtaani.

Ili kuepukana na madhara yatokanayo na ukatili wa kijinsia na ukatili dhidi ya watoto ambapo  alisema hatuna budi kuleta  ushirikiano kwa wadau wote wakiwemo wadau wa Afya, polisi, ustawi wa jamii, maendeleo ya jamii, mahakama, pamoja na jamii kwa ujumla ili kutokomeza vitendo vinavyosababisha ukatili wa kijinsia.  “Devotha alibainisha”.

Alisema mwaka 2019/2020 mashauri ya watu waliofanyiwa unyanyasaji wa kijinsia me 439, ke 469 kati ya hizo  kesi zilizopo mahakamani 236, na  zilizoshinda kesi 36.

Amezitaja Sababu ambazo husababisha ukatili wa kijinsia ni pamoja na  uelewa mdogo wa wananchi juu ya ukatili wa  kijinsia, Umaskini, ukosefu wa elimu, ulevi,  wivu wakimapenzi, mapungufu katika sheria pamoja na sababu za kiuchumi.

Alitabanaisha kuwa  wahanga wa ukatili wa kijinsia walio wengi  hawaripoti matukio kwasababu ya mila potofu, uelewa duni, umaskini, na kukosekana kwa vyombo vya kushughulikia  ukatili ngazi ya jamii.

Aidha katika kukabiliana na changamoto hizo, Manispaa ya Songea imejiwekea mikakati ya kudhibiti matukio ya ukatili wa kijinsia kama kuimarisha mfumo  wa utoaji huduma kwa wahanga, kuimarisha kamati za ulinzi wa mwanamke na mtoto, na  kuendelea kutekeleza  mpango wa Taifa wa kutokomeza  ukatili dhidi ya wanawake na watoto ( MTAKUWA).

kauli mbiu;     TUPINGE UKATILI WA KIJINSIA MABADILIKO YANAANZA NA MIMI.

IMETAYARISHWA NA;

AMINA PILLY;

AFISA HABARI MANISPAA YA SONGEA .

11 disemba 2020.