TUTANGAZE VIVUTIO VYA UTALII WETU.

Tarehe ya kuwekwa: October 13th, 2020

Jamii  inatakiwa kujijengea utamaduni wa kutembelea vivutio vya kitalii vilivyopo ndani ya Manispaa ya Songea na kuvitangaza ili  viweze  kuvutia wawekezaji ndani ya mji wetu.

Kauli hiyo  imetolewa na mtaalamu mwelekezi mkakati wa kuendeleza utalii  Mkoa wa Ruvuma  DR. H. Bohela Lunogelo katika kikao cha wakuu wa idara kilimo, mifugo, mipango, biashara, na maliasili kwa ajili ya kukusanya maoni na mkakati wa kuendeleza utalii kilichofanyika katika ukumbi wa Manispaa ya Songea leo 13.10.2020.

Dr. Bohela Alisema ESRF ( economic and social research foundation) ni taasis inayofanya kazi ya utafiti wa kiuchumi na kijamii ambapo  watafiti hao ni  lazima wasimame mstari wa mbele na kutegemeana  kwa ajili ya kushawishi viongozi, Serikali, na jamii kwa ujumla katika kuleta matokeo chanya ya uwekezaji katika vivutio vya  utalii vilivyopo ndani ya Manispaa ya Songea.

Nao wataalamu walioshiriki kikao hicho walisema “ pamoja na uwepo wa vivutio vingi vya kitalii Manispaa ya Songea lakini vivutio vifuatavyo  vipewe kipaumbele ikiwemo na chanzo cha mto Ruvuma, Pango la asili la mlima chandamali, na Zoo Luhira ( hifadhi ndogo ya wanyama pori), kwa upande wa vivutio vya kiutamaduni wataalamu hao walipendekeza ngoma za asili, vyakula vya asili, Historia ya Chief Mbano, kwa upande wa vivutio vya kihistoria ni makumbusho ya Taifa ya majimaji, Mnara uliotumika kuwanyongea machief, pamoja na Makumbusho ya Mzee Kawawa.

Wakizitaja baadhi ya changamoto zinazokwamisha kutokuwa na vivutio bora vya kitalii ni pamoja na jamii kutofahamu uelewa wa umuhimu wa  vivutio vya utalii, Mapungufu ya Sera   kuhusu vivutio vya kitalii, na  Miundombinu mibovu. 

Pamoja na changamoto hizo, Manispaa ya Songea imeandaa mkakati wa kuboresha vivutio vya utalii ili wawekezaji waweze kuwekeza ndani Manispaa ya Songea.