UPATIKANAJI wa dawa katika Manispaa ya Songea wafikia asiimia 91

Tarehe ya kuwekwa: May 27th, 2019

 HALMASHAURI  ya Manispaa ya Songea mkoani Ruvuma imekuwa ikipokea dawa na vifaa tiba toka serikali kuu kila mwaka na dawa hizo hupelekwa moja kwa moja katika vituo vya kutolea huduma na wasambazaji yaani MSD.Hadi sasa hali ya upatikanaji dawa muhimu katika vituo vyetu vya kutolea huduma ni asilimia 91.1 hivyo ni ya kuridhisha.

Mkurugenzi wa Halmashauri ya Manispaa ya Songea Tina Sekambo amesema Halmashauri hununua dawa za nyongeza kufidia zile zinazokosekana MSD kupitia vyanzo vingine vya fedha ikiwemo Mfuko wa pamoja wa afya, Bima ya Afya, CHF na fedha za papo kwa papo zenye jumla ya Tshs. 83,978,000.00 kwa mwaka 2017/2018 na Tshs. 24,569,900.00 hadi kufikia Disemba 2018/2019.