UTEKELEZAJI WA LISHE - ROBO YA KWANZA 2022.

Tarehe ya kuwekwa: November 7th, 2022

Manispaa ya Songea inaendelea na utekelezaji wa kupambana na utapiamlo kwa watoto chini ya miaka mitano  5 kwa kutoa unasihi wa uandaaji wa chakula  na ulaji unaofaa   kwa akinamama wajawazito, wanaonyonyesha, walezi wa watoto wenye umri chini ya miaka 5.

Katika kukabiliana na utapiamlo Manispaa ya Songea  imewekwa mikakati  ambayo inasaidia kuondoa utapiamlo ambayo ni pamoja na  kuhakikisha vyakula vyote vinavyopelekwa shule  vinaongezwa viini lishe, kuhamasisha wazazi  kuchangia  chakula shuleni, kutoa lishe kwa VVU, na kutenga bajeti kwa ajili ya utekelezaji wa lishe.

Mikakati hiyo imetamkwa kwa katika kikao cha kamati ya lishe cha robo ya kwanza  kilichofanyika tarehe 04 Oktoba 2022  chenye lengo ya kutoa taarifa ya utekelezaji wa lishe kuanzia mwezi julai  hadi Septemba 2022.

Afisa Maendeleo ya jamii Manispaa ya Songea Martin Mtani akimwakilisha Mkurugenzi wa Manispaa ya Songea  amewasisitiza wazabuni wanaopeleka chakula mashuleni kuhakikisha wanapeleka vyakula vilivyoongezewa viini lishe kama unga, mafuta, na chumvi ili kujenga afya bora kwa wanafunzi.

Kwa upande wake Mganga mkuu Manispaa ya Songea Amos Mwenda amesema jumla ya watoto chini ya miaka mitano  32,283    walinchunguzwa na kati yao 37,818 sawa na asilimia 0.117%  ambapo kati yao 12 waligundulika kuwa na utapiamlo mkali  ni  asilimia 0.0003%, pia watoto 27  sawa na asilimia 0.07% waliochunguzwa na  waligundulika kuwa  na  utapiamlo wa kadiri,  na watoto 37,779 waliochunguzwa sawa na asilimia 99.8% hawakuwa na utapiamlo.

 Afisa mifugo Manispaa ya Songea Rozina Chuwa alisema ili kukabiliana na utapiamlo idara ya mifugo imehamasisha  wananchi  na kufanikiwa kuunda vikundi 21  vya  ufugaji wang’ombe wa maziwa ambavyo vinawezesha  upatikanaji wa mazao ya maziwa.

 Aliongeza kuwa Manispaa ya Songea imeweka malengo ya kuweka  kituo cha kukusanyia maziwa ambapo itasaidia kuwa na uhakikia wa soko la maziwa, kutoa mwelekeo wa aina ya bidhaa itakayozalishwa na wasindikaji mtindi, siagi, samuli, kujenga makuzi bora kwa watoto pamoja na kufanya  upimaji wa maziwa  kabla hayajakwenda kwa mlaji.

Naye Afisa Lishe Manispaa ya Songea Albert C. Simkamba ametoa rai kwa Wahudumu wa afya na Watendaji wa kata na mitaa kuendelea kushirikiana  kutoa elimu ya lishe kwa jamii  kwa kutumia mikutano na vikao mbalimbali vya jamii na  kuhamasisha utoaji wa lishe kwa watoto chini ya miaka mitano 5.

AMINA PILLY

MAWASILIANO SERIKALINI.