UTEKELEZAJI wa katazo la matumizi ya mifuko ya plastiki wilayani Songea

Tarehe ya kuwekwa: May 29th, 2019

WILAYA ya Songea mkoani Ruvuma imeweka mpango kabambe wa kutekeleza agizo la marufuku ya kutumia mifuko ya plastiki kuanzia Juni mosi 2019.Ili kuhakikisha agizo hilo linafanyiwa kazi kwa ufanisi mkubwa imeundwa Kamati ya kuhakikisha kuwa wilaya ya Songea inatekeleza mpango huo kwa asilimia 100.Katibu Tawala wa Wilaya ya Songea Pendo Ndumbaro ambaye ni Mwenyekiti wa Kamati hiyo  ameitaja ratiba ya utekelezaji wa katazo hilo inaanzia Juni 3 hadi 14,2019 ambapo ametoa rai kwa wananchi wa wilaya ya Songea  kushirikiana na watendaji wa serikali kuhakikisha mifuko yote ya plastiki inaondolewa na hakuna mwananchi yeyote ambaye ataendelea kuitumia kuanzia Juni Mosi mwaka huu kwa kuwa kufanya hivyo ni kosa la jinai ambapo mtuhumiwa atafikishwa mahakamani na kupata adhabu ya faini au kifungo au adhabu zote mbili.