UWEKAJI WAZI DAFTARI LA AWALI LA WAPIGA KURA - SONGEA MJINI

Tarehe ya kuwekwa: April 30th, 2020

TUME YA TAIFA YA UCHAGUZI

UWEKAJI WAZI DAFTARI LA AWALI LA WAPIGA KURA

AFISA MWANDIKISHAJI JIMBO LA SONGEA MJINI ANAWATANGAZIA WANANCHI WOTE WA HALMASHAURI YA MANISPAA SONGEA KUWA, ITAWEKA WAZI DAFTARI LA AWALI LA WAPIGA KURA KWA SIKU TATU KUANZIA TAREHE 02 HADI 04 MEI, 2020, KATIKA VITUO VILIVYOTUMIKA WAKATI WA UBORESHAJI WA DAFTARI LA KUDUMU LA WAPIGA KURA.

UWEKAJI WAZI HUU UTAFANYIKA KWA KUZINGATIA TAHADHARI ZOTE ZA AFYA KUHUSU KUZUIA MAAMBUKIZI YA UGONJWA WA COVID- 19 UNAOSABABISHWA NA VIRUSI VYA CORONA. UWEKAJI WAZI UTAFANYIKA KAMA IFUATAVYO;

UTARATIBU WA KUHAKIKI

MPIGA KURA ANAWEZA KUHAKIKI TAARIFA ZAKE KWA NJIA ZIFUATAZO:-

1. MPIGA KURA MWENYEWE KUFIKA KATIKA KITUO ALICHOJIANDIKISHA NA KUHAKIKI TAARIFA ZAKE KATIKA ORODHA ITAKAYOKUWA IMEBANDIKWA KATIKA KITUO HICHO.
2. MPIGA KURA KUPITIA SIMU YAKE YA KIGANJANI KUPIGA NAMBA *152*00# NA KUFUATA MAELEKEZO YATAKAYOMWEZESHA KUHAKIKI TAARIFA ZAKE.
3. MPIGA KURA KUPIGA SIMU NAMBA 0800112100 NA KUFUATA MAELEKEZO YATAKAYOMWEZESHA KUHAKIKI TAARIFA ZAKE.
4. MPIGA KURA KUHAKIKI TAARIFA ZAKE KUPITIA TOVUTI YA TUME, www.nec.go.tz KWA KUBONYEZA SEHEMU ILIYOANDIKWA ‘UHAKIKI’ NA KUENDELEA KUFUATA MAELEKEZO.

MAMBO YA KUZINGATIA

1. MTU MMOJA KATIKA FAMILIA ANAWEZA KUKAGUA NA KUHAKIKI TAARIFA ZA MAJINA YA FAMILIA NZIMA.
2. IWAPO MPIGA KURA AMEHAKIKI TAARIFA ZAKE KWA KUTUMIA NJIA YOYOTE KATI YA HIZO NNE NA KUTAKA KUFANYA MAREKEBISHO YA TAARIFA ZAKE ATATAKIWA KWENDA KATIKA OFISI ZA KATA KUFANYA MAREKEBISHO HAYO.
3. MPIGA KURA ANAYEHITAJI KUMUWEKEA PINGAMIZI MPIGA KURA ASIYE NA SIFA ZA KUWEMO KATIKA DAFTARI LA AWALI LA WAPIGA KURA ATAENDA KATIKA KITUO KILICHOPO KWENYE OFISI ZA KATA KUWEKA PINGAMIZI HIZO.

MUHIMU: KUMBUKA KUZINGATIA KANUNI ZA AFYA KWA KUFUATA MAELEKZO UTAKAYOPEWA KITUONI ILI KUJIEPUSHA NA MAAMBUKIZI YA VIRUSI VYA CORONA

TANGAZO LIMETOLEWA NA;

AFISA MWANDIKISHAJI

JIMBO LA SONGEA MJINI