VIJANA Songea waanzisha kiwanda

Tarehe ya kuwekwa: July 16th, 2019

VIJANA watano katika Kata ya Matogoro Halmashauri ya Manispaa ya Songea mkoani Ruvuma wameanzisha kiwanda cha kutengeneza stick za kuchomea mishikaki na kuchokonolea meno.

 Mbunge wa Songea Mjini Dkt.Damas Ndumbaro ametembelea kikundi hicho kinachoitwa  Matogoro Stick Industry.

Akitoa taarifa ya kiwanda hicho,Katibu wa kiwanda hicho Suleiman Twaibu  ameyataja malengo ya kuanzisha kiwanda hicho ni kuweza kutumia mianzi inayopatika kwa wingi   katika Wilaya ya Songea na  maeneo ya jirani ili kuzalisha bidhaa aina ya stick za kuchomea mishikaki na za kuchokonolea meno kwa afya ya watumiaji.

“Tumefanikiwa kutengeneza pesa kiasi cha shilingi milioni nne kupitia stick Industry,tumeweza kuboresha jengo la kiwanda kwa kuingiza umeme na kulipia madeni ya nyuma ya jengo hili’’,alisema Twaibu.

Alisema wametengeneza mashine nne za kuzalishia bidhaa zetu. Mashine ya kuchana mianzi,mashine ya kuchonga  umbo na ukumbwa wa stick,Mashine ya kungarisha na mashine ya kufungasha bidhaa.

Katibu huyo amezitaja changamoto wanazopata katika kiwanda chao kuwa ni  ukosefu wa eneo la kutumia katika utendeaji wa kazi zao,jengo wanalotumia hivi sasa ni jengo la CCM, hivyo wanatumia chumba kimoja wakati kazi yao inahitaji vyumba sita.

 Amezitaja changamoto kuwa ni ukosefu wa mashine za kisasa zenye ubora wa kuzalisha bidhaa bora na kwa wingi,upatikanaji wa malighafi umekuwa changamoto baada ya wakulima wa zao hilo kupandisha bei,vifungashio pia bado ni changamoto ukilinganisha na ushindani  katika soko.

Twaibu ameyataja  matarajio ya kikundi hicho kuwa ni , kununua eneo la kutosha na kujenga miundo mbinu ya kiwanda katika maeneo yaliyotengwa kwa shughuli za viwanda na  kununua e shamba kubwa la zao la mianzi na kuendelea kutoa elimu na kuhamasisha kilimo cha zao la miazi ili kiwanda hicho kipate malighafi za kutosha siku za usoni.  

Imeandaliwa na Farida Mussa

Kitengo cha TEHAMA Manispaa ya Songea

Julai 15,2019