YALIYOJIRI KIKAO CHA WADAU WA ELIMU CHA KUTATUA CHANGAMOTO ZA MADAWATI KATIKA SHULE ZA SEKONDARI.

Tarehe ya kuwekwa: August 22nd, 2023

Halmashauri ya Manispaa ya Songea inaendelea kutekeleza  mimakati ya kuboresha elimu kwa shule  za Msingi na Sekondari katika kutatua changamoto za miundombinu ya Elimu ikiwemo na viti na madawati, pamoja na upatikanaji wa chakula shuleni.

Manispaa ya songea ina jumla ya wanafunzi 19,097 katika shule za Serikali 25 zilizopo Manispaa ya Songea,  ambapo hali halisi ya mahitaji  ya viti na meza  ni 16,119 na upungufu ni viti na meza 3622.

Hayo yamejiri wakati wa kikao  cha wadau wa elimu kilichofanyika tarehe 22 Agosti 2023 katika ukumbi wa Manispaa ya Songea kilichoshirikisha Waheshimiwa Madiwani wa kata zote 21, Maafisa watendaji wa kata 21,  Maafisa Elimu, Wenyeviti wa Bodi za shule, pamoja na maafisa Elimu kata kwa lengo la kujadili  changamoto mbalimbali  za shule za Sekondari.

Akizungumza Naibu Meya Jeremiah Mlembe  kwa niaba ya Mstahiki Meya Manispaa ya Songea  amewataka Maafisa Elimu Kata, Maafisa watendaji wa kata pamoja na Madiwani kuhakikisha wanahamasisha  wazazi  kuchangia viti na meza kama walivyofanikiwa kata ya Matogoro ambao walivyoweza  kuhamasisha michango kwa wazazi na kufanikisha kutanzua  changamoto za madawati iliyokuwa inazikabili  shule za kata hiyo.

Jeremiah amebainisha baadhi ya mikakati ambayo inakwenda  kutekeleza  ili kufikia lengo la madawati 3622  ni pamoja na  bodi za shule  kuitisha vikao vya wadau wa elimu, kuwepo kwa sheria ndogo pamoja na maelekezo mbalimbali yatakayotolewa kwa ajili utekelezaji huo.

Kwa upande wake Kaimu Mkurugenzi Manispaa ya Songea Alto Liwolelu alisema “ hatua hiyo imekuja baada ya mafanikio kupitia  mchakato uliofanywa na uongozi wa kata ya Matogoro ambao  wamefanikiwa kutengeneza madawati zaidi ya 500 kwa shule za Serikali, hivyo amewataka viongozi kuiga mfano huo. “ Alipongeza”

Imeandaliwa

AMINA PILLY;

KITENGO CHA MAWASILIANO SERIKALINI.