WAFANYABIASHARA Songea waomba kuboreshewa miundombinu ya soko la Mazesnse A

Tarehe ya kuwekwa: August 17th, 2019

UMOJA wa wafanyabiashara wa masoko Manispaa ya Songea (UWABIMASO) umetoa malalamiko juu ya uboreshaji wa  miundo mbinu  soko  la Manzese (A).

Katibu wa soko hilo Hamisi Amiri Mapunda akizungumza katika mahojiano maalumu ofisini kwake ameitaja  changamoto  kubwa inayowakabili  ni uchakavu wa vibanda vya kufanyia biashara  ambapo  wafanyabiashara hao  wanasita kufanya marekebisho kutokana  na tetesi kutoka Manispaa kuwa wanampango wa kuboresha soko hilo.

“Halmashauri ya Manispaa ya songea itoe taarifa iliyokamili juu ya  uboreshaji wa  vibanda hivyo  ili tuwe na uhakika wa biashara zetu”  amesema Mapunda.

Kwa upande wake Mhasibu wa soko hilo Shukurani Mapunda amesema kuwa pesa zinazokusanywa zinatumika kuendesha shughuli za soko kama kuwalipa wafanya usafi ,walinzi na makarani kwani shughuli hizo huendeshwa na wafanyabiashara na sio Serikali.

Soko la Manzese ni miongoni mwa masoko makubwa katika Manispaa ya Songea  ambalo hutoa huduma mbalimbali kama kuuza samaki, nyanya , machungwa ,karoti ,vitunguu na bidhaa nyingine nyingi katika soko hilo.

Imeandaliwa na 

Severine fussi

wa kitengo cha TEHAMA Manispaa ya Songea

Agosti 16, 2019