WANAFUNZI 54,890 Kumeza dawa za Minyoo na Kichocho kwa shule za Msingi Manispaa ya Songea

Tarehe ya kuwekwa: November 17th, 2022

Halmashauri ya Manispaa ya Songea  inatekeleza zoezi la umezeshaji dawa za minyoo  na kichocho kwa wanafunzi wa shule za msingi 96 zilizopo Manispaa ya Songea ambalo linaendeshwa na Walimu wa afya chini ya usimamizi wa  Wataalamu wa afya  kuanzia leo  tarehe 17 hadi tarehe 18 Novemba 2022.

Mratibu Elimu  wa  magonjwa yaliyokuwa hayapewi kipaumbele Bload Komba alisema Manispaa ya Songea imeanza zoezi la umezeshaji wa dawa za minyoo na kichocho kwa wananfunzi wa shule ya msingi kuanzia miaka 5 hadi 14  kwa idadi ya wanafunzi 54,890 wakiwemo wavulana 27,426 na wasichana 27,710.

Bload alisema lengo la kutoa dawa hizo ni kwa ajili ya kinga ya  minyoo  tumbo na ugonjwa wa kichocho ambapo mwanafunzi atapimwa urefu kuanzia sentimita 90 ataweza kumeza dawa na endapo atakuwa  chini sentimita 90 au chini ya iaka mitano 5 hatapewa dawa.  

Alisema dawa itakayotolewa kwa wanafunzi ni dawa aina ya  Albendazole - dawa za minyoo ya tumbo na dawa ya kichocho ambayo imeshauriwa kuanza kula chakula kabla ya kumeza dawa.

Aliongeza kuwa dawa hizo ni  kinga na salama na hazina madhara  endapo  zitatumika  kwa usahihi japokuwa yapo baadhi ya maudhi madogo madogo yanayoweza kutokea na ya muda mfupi ikiwemo na kichefuchefu, kuharisha, kichwa kuuma, homa, na maumivu ya tumbo endapo yatatokea maudhi madogo madogo watoe taarifa kwa wataalamu wa afya kwa hatua zaidi .

Akibainisha  Manufaa ya dawa za kinga tiba endapo zitatumika kwa usahihi ni pamoja na kupunguza maambukizi kutoka kwa mtu mmoja kwenda kwa mwingine, kuua vimelea vya magonjwa hayo, kuepusha upungufu wadamu, kupunguza magonjwa ya ngozi, kuboresha nguvu kazi pamoja na kuwafanya watoto wakue vizuri. “Alibainisha “

Amewataka walimu hao kusimamia zoezi hilo kwa weredi na kuzingatia maelekezo yote yaliyotolewa na wataalamu wa Afya na kuhakikisha wanafunzi walioandikishwa wote wenye umri kuanzia miaka 5 hadi 14  wanapewa dawa za kinga tiba.

AMINA PILLY;

KITENGO CHA MAWASILIANO SERIKALINI.