WARATIBU elimu kata Manispaa ya Songea wakabidhiwa pikipiki zao

Tarehe ya kuwekwa: September 13th, 2018

AWAMU ya pili ya mgawo wa pikipiki 10 kati ya 21 zilizotolewa kwa Waratibu Elimu 21 wa kata 21 zilizopo katika Halmashauri ya Manispaa ya Songea mkoani Ruvuma zimekabidhiwa leo katika viwanja vya ofisi ya Manispaa ya Songea.

Waratibu Elimu Kata  11 tayari walikabidhiwa pikipiki  11 katika awamu ya kwanza.Pikipiki hizo zimetolewa kwa waratibu elimu kata 2894 katika nchi nzima lengo likiwa ni kuzitumia kusimamia maendeleo ya elimu katika shule zilizopo katika kata zao.

Serikali imetoa pikipiki hizo pia kuhakikisha kuwa waratibu elimu kata wanasimamia mahudhurio ya wanafunzi katika shule ili kupunguza utoro wa wanafunzi hali ambayo itachangia kuboresha elimu kwa kuinua kiwango cha ufaulu.

Pikipiki zote katika nchi nzima zimegharimu zaidi ya shilingi bilioni 8 na milioni 576 ambazo zimetolewa kwa msaada wa wadau wa maendeleo ambao Shirika la  Global Partnaship in Education kwa kushirikiana na serikali ya Tanzania.

Imeandikwa na Albano Midelo

Afisa Habari Manispaa ya Songea

Septemba 12,2018