WATOTO 22,550 WENYE UMRI WA MIAKA 9-14 KUCHANJWA CHANJO YA SARATANI YA SHINGO YA KIZAZI.

Tarehe ya kuwekwa: April 23rd, 2024

Halmashauri ya manispaa ya Songea imeanza kampeni  ya utoaji wa chanjo ya kuzuia  Saratani ya shingo ya kizazi kwa watoto wenye umri wa miaka  9 hadi 14 ambayo imeanza kufanyika kuanzia  tarehe 22 hadi 28 Aprili 2024 kwa walengwa   22,550 wanaotakiwa kuchanjwa.

Akizungumza  Katibu Tawala Wilaya ya Songea Mtella Mwampamba  wakati wa uzinduzi wa kampeni ya Chanjo hiyo alisema “ Lengo la chanjo ni kuzuia kabla ya kupata ugonjwa wa Saratani ya shingo ya  kizazi  huku akiwataka mabinti  kuchoma chanjo hiyo ambayo haina madhara  yoyote   mwilini.” ‘Alisisitiza.’

Kauli hiyo  imetolewa wakati wa ufunguzi uliofanyika  shule ya Msingi Chief  Mbano iliyopo kata ya Ruvuma ambapo watoto 204 walichanjwa  katika uzinduzi huo.

Mganga Mkuu Manispaa ya Songea Amos Mwenda   alisema “kampeni hii  imelenga kutoa huduma ya  chanjo ya kuzuia Saratani ya Shingo ya kizazi kwa watoto wenye  umri wa miaka 9 hadi 14 hususani wanafunzi walioko shuleni  Sekondari na Msingi na walioko kwenye jamii.”

Zoezi hilo linaendeshwa na watoa huduma wa afya ya Msingi pamoja na Walimu wa afya wa kila shule husika.

IMEANDALIWA NA;

AMINA PILLY;

KITENGO CHA MAWASILIANO SERIKALINI.