WATUMISHI wa Manispaa ya Songea walivyofaidika na mafunzo ya kuandaa bajeti kwa mtandao

Tarehe ya kuwekwa: September 24th, 2018

WATUMISHI 49 wa Manispaa ya Songea Mkoa wa Ruvuma, wamenufaika na mafunzo ya yanayohusu uandaaji wa mipango na bajeti kwa njia ya mfumo wa mtandao wa kieletroniki .

Watumishi hao walipata mafunzo hayo kwa njia ya nadharia na  vitendo kuendelea katika Chuo cha Ualimu cha Songea kilichopo Matogoro mjini Songea.

Mafunzo hayo yamefanyika katika nchi nzima yakiziuhusisha Halmashauri zote nchini.Mafunzo hayo ni lazima katika Halmashauri zote kwa sababu bajeti ya mwaka wa fedha wa 2018/2019 imefanyika kwa njia ya mfumo wa mtandao kuanzia Idara,Halmashauri, mkoa na hatimaye kuunganishwa TAMISEMI na kupata bajeti ya kitaifa.

                                                                     
Waziri Mkuu wa Tanzania Kassim Majaliwa alizindua mfumo huo mpya Septemba 5 mwaka  2017 mkoani Dodoma ambapo aliagiza mfumo huo ambao umebainika utapunguza gharama za mbalimbali za uendeshaji, zikiwemo malipo ya kusafirisha wakuu wa Idara ,Vitengo na wahasibu s zitaondolewa.

Waziri Mkuu , aliagiza mfumo huo kufundishwa katika nchi nzima na umeanza rasmi kutumika katika kuandaa bajeti ya mwaka wa fedha wa 2018/2019.

Imetolewa na Albano Midelo

Afisa Habari Manispaa Songea

Septemba 24,2018