WAZEE waiomba serikali kupewa vitambulisho vya matibabu

Tarehe ya kuwekwa: October 2nd, 2019

Mwenyekiti wa Wazee Mkoa wa Ruvuma katika Halmashauri ya Manispaa ya Songea Alezian Nyoni amefurahishwa na kitendo cha wazee kujikita kwenye ujariamali baada ya kustaafu.

Akizungumza na wazee katika uwanja wa Zima moto mjini Songea, Nyoni amesema wazee kujishughulisha na biashara mbali mbali kunawasaidia kuimalisha afya zao na kuwasihi wazee kwenda kupima afya zao mara kwa mara ili kutambua magonjwa ambayo yanawasumbua.

“Safari ya kuelekea uzeeni haina budi kuwa na usawa na haki kwa sababu uzee haukwepeki kwa mtu yeyote leo utakuwa kijana ila kesho utakuwa mzee kwa hiyo tuwaheshimu wazee kwa maana wamefanya mengi katika kuchangia Taifa letu’’,alisisitiza.

Mgeni rasmi katika maadhimisho hayo Mkuu wa Wilaya ya Namtumbo  Sophia Mfaume Kizigo amesema wazee wanaishi muda mrefu kutokana huduma za afya kuboreshwa  katika uongozi wa awamu ya Tano inayoongozwa na Rais Dkt.John Magufuli.

Kizigo amesema  amesema ni vizuri wazee kwenda kuchukua vitambulisho vya ujasiriamali ili kuepuka usumbufu na kwamba  Rais  ameona ni vyema kuwasaidia wajasiriamali waweze kuepukana na kero ya kulipa mapato makubwa kwenye Halmashauri.

Kwa upande wake Afisa Ufuatiliaji na Tathimini wa  PADI Simon Komba amesema Taasisi yao ni kusaidia masikini na wasiojiweza kama kutoa mikopo ya fedha mifugo pia kutoa elimu ya ujasiriamali kwa wazee na kuwajengea uwezo wa kufuatilia haki zao katika sekta mbali mbali.

Komba amesema PADI wanawaunganisha wazee kwenye taasisi mbali mbali za kifedha kama bajeti ya kuwawezesha  wazee wanawake kiuchumi kwa kuwapa mikopo kwa ujumla wa wazee wote.

Mzee Boniventula  Ngonyani miaka 75 amesema mkazi wa mjimwema  amefurahishwa na Serikali kuweka siku ya wazee duniani ingawa amesema  kuna changamoto  zinazowakabili wazee ikiwemo  upatikanaji wa mbolea na  matibabu kwa wazee.

“Naiomba  Serikali ya awamu ya Tano iendelee kutafutia changamoto mbalimbali zinazowakabili wazee wa Tanzania’’,alisema Ngonyani.

Mzee Bernadetar Hyera miaka 61 mkazi  ameiomba serikali kuwakumbuka wazee ambao wamesahaulika katika huduma za afya.

Imeandikwa na Farida Mussa

Kitengo cha TEHAMA Manispaa ya Songea

Oktoba 2,2019