WAZIRI WA HABARI, SANAA, NA MICHEZO ANATARAJIA KUWASILI LEO MANISPAA YA SONGEA.

Tarehe ya kuwekwa: August 12th, 2020

 Waziri wa Habari, Sanaa na Michezo Dr. Harrison Mwakyembe anatarajia kuwasili leo 12/08/2020  ndani ya manispaa ya Songea akitokea Wilaya ya Tunduru.

Mwakyembe atakuwa na ziara ya siku mbili kuanzia  12-13/08/2020 ambapo katika ziara hiyo  atatembelea maeneo ya urithi wa ukombozi leo saa nane mchana.

13.08.2020 atatembelea ofisi ya Mkuu wa Mkoa wa Ruvuma, pia  atatembelea Mitambo ya utangazaji ya TBC na baadhi ya vituo vya binafsi vya Redio. Kisha atakuwa na mkutano wa wadau wa Habari wa Mkoa wa Ruvuma.

Mkurugenzi wa  manispaa  ya Songea Tina Sekambo kwa niaba ya wananchi wa Manispaa ya Songea  anamkaribisha Mh. Waziri wa Habari, Sanaa, na Michezo Dr. Harrison Mwakyembe  katika Mji wa Songea.

IMEANDALIWA NA; 

AMINA PILLY,

KAIMU AFISA HABARI – MANISPAA YA SONGEA.

12.08.2020