WAZIRI wa Kilimo na Umwagiliaji Hussein Bashe amewataka Maafisa kilimo kutumia Pikipiki Walizopewa kwa kuwatembelea Wakulima Mashambani.

Tarehe ya kuwekwa: January 17th, 2023

Waziri  wa  Kilimo  na Umwagiliaji  Mhe. Hussein Bashe,  Amewataka  Maafisa Ugani  kutekeleza wajibu wao ipasavyo   ikiwemo na  kuwatembelea Wakulima katika  maeneo  wanayolima ili  kutatua  changamoto mbalimbali  zinazowakabili wakulima  Mkoani Ruvuma.

Hayo yametamkwa katika mkutano wa wadau wa kilimo Manispaa ya Songea uliofanyika tarehe 16 Januari 2023 katika ukumbi wa Manispaa ya Songea ambao ulishirikisha viongozi ngazi ya Mkoa, Wilaya, viongozi wa vyama vya siasa na wadau wa kilimo kwa lengo la kusikiliza kero mbalimbali za wananchi.

Mhe. Bashe, Alisema kuwa  Serikali ya Awamu ya Sita inayoongozwa na Dkt. Samia Suluhu Hassan imefanikiwa kutoa Mbolea ya Luzuku  kwa Mkulima ambayo inauzwa kwa  Bei elekezi ya Luzuku  iliyopangwa na Serikali   kwa lengo la   kuwasaidia Wakulima waweze kuondokana na adha ya Mbolea kuuzwa kwa bei ya juu.

Alisema kwa mwaka 2022 Mkoa wa Ruvuma ulikuwa na Hekta za kilimo 530,000,  Tan za Mbolea  32,000, kwa mwaka 2023 Mkoa wa Ruvuma hadi hivi sasa  umepokea mbolea Tan 42,000 kwa   Hekta za kilimo  930,000.

Amewataka Mameneja wa Makampuni, TFRA, na Mawakala wa Pembejeo  kufanya kazi kwa weredi na uadilifu katika kutoa huduma bora kwa wananchi na kuepuka udanganyifu unaofanywa na baadhi ya wafanyabiashara katika usambazaji na uuzaji wa Pembejeo za kilimo na endapo   atabainika mtu yeyote  anakwenda kinyume na taratibu zilizowekwa atafutiwa Uwakala. “ alisisitiza”

Aliongeza Serikali imejipanga vizuri katika zoezi la usambazaji wa pembejeo,  na amewatoa hofu wakulima wote Nchini  juu ya uapatikanaji wa pembejeo kwa kila mkulima aliyesajiliwa lazima atapata pembejeo  lakini kwa kufuata utaratibu uliowekwa na Serikali.

  Akizungumza kwa niaba ya wakulima  ndugu Batazari  Mjinga Mkulima wa kijiji cha Mhalule alianza kwa kutoa shukrani za dhati kwa  Rais  wa  Jamhuri ya Muungano wa Tanzania Dkt. Samia Suluhu Hassan kwa kuanzisha Mfumo  mpya wa kidigiti ambao unawasaidia Wakulima   kupata  mbolea ya Luzuku  50%  ambao ni Mkombozi wa Mkulima.

Imeandaliwa na;

AMINA PILLY

KITENGO CHA MAWASILIANO SERIKALINI.