WAZIRI abaini wanunuzi wa madini wanavyowanyonya wachimbaji wadogo

Tarehe ya kuwekwa: July 21st, 2018

NAIBU Waziri wa Madini Doto Biteko amefanya ziara katika machimbo ya Ngapa yaliyopo wilaya ya Tunduru mkoani Ruvuma na kuzungumza na wachimbaji wadogo wanaochimba madini ya vito aina ya Gem Stone na kubaini wachimbaji wadogo wananyonywa na wafanyabiashara katika hali inayosikitisha.

 Imebainika kuwa  baadhi ya wafanyabiashara wananunua madini hayo kwa bei ya chini ambapo wao wanakwenda kuyauza madini hayo mara 15 ya bei walionunulia.Wilaya ya Tunduru haijanufaika na madini tangu mwaka 1996,ambapo kwa mara ya kwanza imepata mapato ya madini katika mwaka 2017/2018 kwa kupata shilingi milioni 66.

Naibu Waziri wa Madini amesema serikali ya awamu ya tano inayoongozwa na Rais Dkt.John Magufuli baada ya kuona watanzania hawanufaiki katika sekta ya madini imefanya mabadiiko katika sheria  ya madini ambapo sasa  mtanzania amepata fursa ya  kumiliki uchumi katika sekta ya  madini.

Mwandishi ni Afisa Habari Serikalini mawasiliano yake ni albano.midelo@gmail.com,simu 078476517