YALIYOJILI MADIWANI KUTOKA NANYAMBA - MTWARA WALIPOTEMBELEA SONGEA MC

Tarehe ya kuwekwa: January 11th, 2023

Mwenyekiti wa Halmshauri ya  Mji Nanyamba Mtwara  Jamali Abdalah Kapende   amewaongoza Madiwani katika kutembelea Manispaa ya Songea kwa ajili ya  kujifunza namna ya uendeshaji wa  shughuli mbalimbali za maendeleo ikiwemo  ukusanyaji wa mapato ya ndani ya Halmashauri.

Ziara hiyo imefanyika tarehe  10 Januari 2023  katika  Halmashauri  Manispaa ya Songea ambapo walifanikiwa kutembelea Miradi mbalimbali ikiwemo Stendi mpya ya Mabasi Songea, Vikundi, Machinjio ya kisasa Songea pamoja na Kituo cha Afya Lilambo  kilichojengwa kwa fedha za mapato ya ndani.

Kapende  amewataka Madiwani na Wataalam wote kuendelea kutoa ushirikiano katika kukusanya mapato pamoja na kuongeza  ubunifu katika  kuibua vyanzo mbalimbali vya  Mapato ndani ya Halmashauri  ili kufikia matarajio ya Serikali yaliyowekwa.

Naye Mkurugenzi wa Halmashauri ya Mji Nanyamba  Deogratius  Nsanzugwanko amewataka  viongozi na wataalamu kuongeza ushupavu na uimara katika kutekeleza shughuli za Serikali ambazo zitasaidia kuonesha taswira nzuri na kuleta tija ya  Maendeleo katika Halmashauri/Nchi kwa ujumla.

Aliogeza kuwa Ziara hiyo imejaa mafanikio kutokana nakujifunza namna ya ukusanyaji wa mapato kwa kuweka wasimamizi kwa kila  chanzo cha mapato ( Meneja) hali ambayo imepelekea kuongezeka kwa mapato ya Halmashauri, pamojaa na namna ya ukopeshaji wa mikopo kwa vikundi vya wanawake 4%,  Vijana 4%, na walemavu 2%, Usimamizi bora wa miradi ya maendeleo, na matumizi sahihi ya sheria ndogo za Halmashauri.

Kwa upande wao Madiwani wa Nanyamba Mtwara  walisema kupitia Ziara hiyo  wamejifunza namna ya uendeshaji wa machinjio ya kisasa, utoaji wa  mikopo ya uwekezaji  kwa vikundi (uwekezaji wa viwanda vidogo). "walishukuru"

Kwa upande  Naibu Meya Jeremiah Milembe alitoa shukrani na kuwakaribisha tena kuja kutembelea kwa mara nyingine kwa ajili ya  kufanya tathimini kupitia shughuli walizojifunza  ili kubaini mafanikio na changamoto wakati wa utekelezaji na usimamizi wa zoezi la ukusanyaji wa mapato kupitia vyanzo  mbalimbali ikiwemo madini, vibali vya sherehe, lessen za vileo, na utoaji wa mikopo kwa vikundi.

IMEANDALIWA NA;

AMINA PILLY;

KITENGO CHA MAWASILIANO SERIKALINI.