YALIYOJIRI SIKU YA MTOTO WA AFRIKA.

Tarehe ya kuwekwa: June 16th, 2023

Maadhimisho siku ya Mtoto wa Afrika huadhimishwa kila mwaka ifikapo tarehe 16 Juni kwa nchi wanachama wa Umoja wa Afrika ikiwemo Nchi ya Tanzania ambapo chimbuko la maadhimisho hayo ni baada ya kutokea kwa  mauaji ya watoto 2000 yaliyofanywa na Utawala wa Makaburu  katika kitongoji cha SOWETO nchini Afrika ya Kusini mnamo tarehe 10 Juni 1970.

Mauaji hayo yalitokea wakati wa maandamano ya wanafunzi kwa lengo la kupinga Mfumo wa Elimu ya kibaguzi  iliyokuwa inatolewa na Utawala wa Afrika ya Kusini ambapo 1991 Uongozi wa Nchi za Afrika  walifanya uamuzi wa kuienzi siku hiyo ikiwa ni kumbu kumbu ya mauaji ya watoto hao.

Mgeni Rasmi katika maadhimisho hayo  alikuwa Naibu Msajili wa Mahakama Wilaya ya Songea Mhe.  Elizabeth  Nyembele ambayo yamefanyika kihalmshauri  na  kuhudhuriwa na viongozi, wadau pamoja na wanafunzi yaliyofanyika katika Uwanja wa Majimaji leo tarehe 16 Juni 2023.

Bi Elizabeth amesema Serikali imeridhia na kusaini Mikataba inayohusu Haki za Watoto (1991) na Mkataba wa Afrika wa Haki ya Ustawi wa Mtoto ya mwaka 2005 ambayo yote kwa pamoja imetoa miongozo ya kusimamia ulinzi na haki kwa mtoto.

Katika kuimarisha ulinzi wa mtoto Manispaa ya Songea  kupitia jeshi la polisi imeanzisha  dawati la jinsia na watoto katika kituo cha Polisi kwa lengo la kupokea taarifa za matukio ya ukatili dhidi ya watoto na watuhumiwa kuchukuliwa  hatua za kishera pamoja na uundaji wa kamati za ulinzi wa mwanamke  ngazi ya Wilaya, kata na mitaa kwa lengo kuibua changamoto na namna ya kuzitatua. “Alibainisha”.

“Ametoa wito kwa wazazi au walezi  wahakikishe wanawasimamia watoto nakujiepusha kwenda kwenye maeneo ambayo ni hatari kwa usalama,  kufuatilia mienendo  na kumuepusha mtoto na vitendo vya ukatili ikiwa pamoja ulawiti na mimba, ubakaji, matumizi mabaya ya mitandao na simu, pamoja na kutoa malezi yenye maadili na kutimiza wajibu wa kuheshimu wazazi, walimu na jamii.“

Kwa upande wake Mratibu wa Maadhimisho (Afisa Maendeleo ya Jamii ) Bi Joyce Mwanja alisema “Kauli mbiu ya mwaka 2023 inaelekeza kuweka mazingira Salama na kuchukua tahadhari dhidi ya watoto wanapokuwa mitandaoni ambayo inaikumbusha jamii pamoja na wazazi kutumia matumizi sahihi na salama dhidi ya vifaa vya kieletroniki na intanenti  kutokana na uwepo wa vitendo vingi  vya ukatili vinavyofanyika mitandaoni ikiwemo na simu.

Bi Joyce aliongeza kuwa kauli mbiu hiyo imelenga kuhamasisha  Serikali, Wananchi, Taasis, Asasi,  wadau mbalimbali kushiriki kikamilifu katika suala la malezi, makuzi, ulinzi na maendeleo ya mtoto.

KAULI MBIU;            ZINGATIA USALAMA WA MTOTO KATIKA ULIMWENGU WA KIDIGITALI. 

IMEANDALIWA NA;                                                           

AMINA PILLY;

KITENGO CHA MAWASILIANO SERIKALINI.