YALIYOJIRI BARAZA LA MADIWANI LA KUIDHINISHA MPANGO NA BAJETI 2023/2024

Tarehe ya kuwekwa: February 13th, 2023

Mstahiki Meya wa Manispaa ya Songea  Mhe. Michael  Mbano amewataka viongozi  na wataalamu kuongeza ufanisi na weredi wa  kusimamia  zoezi  la ukusanyaji  wa  mapato ili  kufikia lengo la  makisio ya  Bajeti  iliyowekwa  kwa  mwaka  2023/2024

Hayo  yamejili  wakati  wa Baraza la Madiwani la kupitisha mapendekezo ya Rasimu ya Mpango na Bajeti  kwa mwaka 2023/2024  lililofanyika tarehe 09 Februari 2023 katika ukumbi wa Manispaa ya Songea lililohudhuriwa na wadau mbalimbali,  wakuu wa  Idara na wananchi.

Mhe.  Mbano Alisema Nanukuu “ili  kufanikiwa lazima kuongeze  juhudi  ya kusimamia   ukusanyaji wa mapato kwa  kufanya  kazi kwa ushirikiano na wataalamu  ili kufanikiwa lengo la makusanyo ya  Bil. 5.6  kwa mwaka   2023/2024 ”Mwisho wa kunukuu"

Kwa upande wake  Mkurugenzi wa Manispaa ya Songea Dkt. Frederick Sagamiko alisema kuwa  mapendekezo ya Rasimu ya Mpango na Bajeti kwa mwaka wa fedha 2023/2024 iliyopitishwa itsaidia na kurahisisha utekelezaji wa shughuli mbalimbali ya maendeleo.

Aidha,  matarajio ya  Halmashauri  ya  Manispaa  ya  Songea ni kukusanya na kutumia Tsh Bil. 11.7 kwa ajili ya utekelezaji wa miradi mbalimbai ya maendeleo kutoka vyanzo mbalimbali kati ya fedha hizo kiasi cha Bil. 4,6 kutoka Serikali kuu, Waisani Bil. 5.3 na Halmashauri itachangia kutokana na mapato ya ndani kiasi cha Bil. 1.7 sawa na asilimia  40%.

Aliongeza  kuwa, Manispaa ya Songea imeomba kuidhinishiwa  kiasi cha Tsh Bil. 45.7 kwa ajili ya shughuli ya utekelezaji ambapo kati ya fedha hizo Bil. 30.2 Mishahara  na  Mil. 98.5 mengineyo, Luzuku ya Maendeleo kutoka Serikali kuu Bil.  8.9,  mapato ya ndani yanakisiwa  Bil. 5.6  ambapo  Bil. 34.4 iliombwa kuidhinishwa kati ya fedha hizo kiasi cha Bil. 31.1 Mishahara na Bil. 3.2 mengineyo.   

Kwa upande wake Katibu wa CCM Wilaya  ya Songea  Mjini Ndg. James Mgego amewataka viongozi na wataalamu  kuongeza uwajibikaji, uadilifu katika kusimamia ukusanyaji wa mapato ya Serikali pamoja na kufanya   ufuatiliaji wa   bajeti iliyowekwa iweze    kutatua  changamoto  za wananchi.(Alisisitiza)

Nao Waheshimiwa  Madiwani  walitoa pongezi zao kwa Wataalamu kwa kutenga bajeti ambayo imegusa kila sekta ambapo ni matarajio yao kuwa Rasimu ya Mpango na  Bajeti ya mwaka wa fedha 2023/2024   itasaidia kutatua changamoto  za  wananchi.(Walipongeza)

Imetolewa na;

AMINA PILLY

Kitengo cha Mawasiliano Serikalini.