YALIYOJIRI KIKAO CHA LISHE MANISPAA YA SONGEA.

Tarehe ya kuwekwa: August 6th, 2024

Katika kupambana na udumavu  pamoja na utapiamlo, Halmashauri ya Manispaa ya Songea kupitia kitengo cha Lishe  kimefanya uchunguzi wa hali ya Lishe kutumia mzingo wa mkono kwa watoto chini ya miaka  mitano, pamoja na upimaji wa uzito kulingana na umri wa mtoto,  katika kipindi cha Aprili hadi Juni 2023/2024.

Pamoja na  uchunguzi huo, kitengo cha Lishe  kimetoa  unasihi wa lishe bora kwa akina mama Wajawazito ni  2472  kati ya 2472  waliofikiwa  sawa na asilimia  100,  akina mama Walionyonyesha maziwa ya mama pekee ndani ya saa moja baada ya kujifua ni  2363 kati ya 2434  sawa na asilimia 97,  pamoja na akina mama wenye watoto chini ya miaka  miwili waliopata  unasihi wa ulishaji wa watoto wachanga na wadogo kutoka kwa watoa huduma za Afya  32723 kati ya 33032  sawa na asilimia 99.1.

Hayo yamejiri wakati wa kikao cha kamati ya Lishe Manispaa ya Songea kilichofanyika tarehe 06 Agosti 2024 kwa lengo la kufanya ufuatiliaji wa  utekelezaji wa shughuli za lishe katika kipindi cha Aprili hadi Juni 2023/2024 ambacho kilihudhuriwa na wakuu wa idara ya Elimu Msingi na Sekondari, kilimo, Maendeleo ya jamii, Mipango, fedha na Afya, Ustawi wa Jamii na Lishe.

Akizungumza Mkurugenzi wa Manispaa ya Songea ambaye aliwakilishwa na Afisa Mazingira Manispaa ya Songea Beno Mpwessa alisema “katika uchunguzi na unasihi uliofanyika katika kipindi cha Aprili hadi Juni 2023/2024  kitengo cha lishe kilibaini hali ya lishe lengo ni  32,216 kati yao 37,488 sawa na asilimia 113 walifikiwa, kati ya hao watoto 37,395 sawa na 99.77  hawakuwa na utapiamlo  ambapo  watoto 10 sawa na asilimia 0.03  waligundulika kuwa na utapiamlo mkali”

Kwa upande wake afisa  lishe Manispaa ya Songea Florentine Kissaka  alibainisha kuwa,  watoto wote walioguindulika kuwa na utapiamlo mkali walipewa rufaa  ya kwenda hospitali ya rufaa Mkoa wa Ruvuma kwa ajili ya matibabu ya utapiamlo mkali.ambapo kati ya hao 10 walipatiwa matibabu na watoto 9 walipona na 1 alibaki na hatua za matibabu zinaendelea.

IMEANDALIWA NA;

AMINA PILLY;

KITENGO CHA MAWASILIANO SERIKALINI.