YALIYOJIRI SIKU YA WAZEE DUNIANI

Tarehe ya kuwekwa: October 12th, 2023

Siku ya wazee Duniani ni siku ambayo huadhimishwa ifikapo tarehe 01 Oktoba ya kila mwaka Duniani kote  ambapo kwa mwaka 2023 Manispaa ya Songea sherehe hizo zimefanyika tarehe 11 Oktoba 2023 katika viwanja vya Soko kuu Songea Mjini.

Mgeni rasmi katika maadhimisho hayo alikuwa Mkuu wa Wilaya ya Songea Wilman Kapenjama Ndile ambayo ilihudhuriwa na wadau mbalimbali, wananchi pamoja na Wazee kwa lengo la kuhamasisha  jamii na kuijengea uelewa na kuwapa hamasa  jamii kuhusu  kulinda haki, ustawi, na maslahi ya Wazee hapa nchini.

Akizungumza Viwanjani hapo Mhe.  Kapenjama Ndile alisema “ Tunatambua kwamba wazee ni rasilimali  kubwa ya Taifa hasa katika kipindi cha Changamoto kubwa ya Mmomonyoko  wa maadili  katika jamii, wakiamini kuwa Wazee wanaweza kuisaidia jamii katika kukabiliana na uvunjifu wa maadili.” Mwisho wa kunukuu.

Aidha, katika  kuwatambua Wazee na kupata takwimu sahihi za Wazee kwa Manispaa ya Songea,  ina jumla ya Wazee 2144 wanaume, na 1343 wanawake pia katika kuhakikisha wazee wanapata huduma za matibabu, kwa mwaka 2023/2024 jumla ya Wazee 1945 ikikwa Wanaume 837 na wanawake 1,108 wamepatiwa msamaha wa matibabu.

Ameitaka jamii kutekeleza wito kwa kuwajali wazee pamoja na kutambua haki zao za kiuchumi, na  kisiasa  pamoja na kuwaenzi wazee kwa kuwapatia nafasi ya kutoa maamuzi katika Nyanja za jamii.

KAULI MBIU;                                                                                            

 Uthabiti wa Wazee kwenye Dunia  yenye  Mabadiliko.

Imeandaliwa na;

Amina Pilly;

Kitengo cha Mawasiliano Serikalini.