YALIYOJIRI UTEKELEZAJI WA MKATABA WA LISHE

Tarehe ya kuwekwa: May 22nd, 2024

Mkuu wa Wilaya ya Songea  Wilman Kapenjama Ndile  amewataka Maafisa watendaji wa Kata  na Mitaa  kuhakikisha wanasimamia  kwa uthabiti  utekelezaji wa  Mkataba wa lishe ili upimaji wa  afua za Lishe uweze kufikia leo linakubaliwa.

“Alisema suala la chakula  kwa wanafunzi ni jukumu letu viongozi  hususani ngazi ya Halmashauri,  Kata/Mitaa,  shule pamoja na Wazazi wenye watoto  shuleni wahakikishe wanafunzi wote  wanapata chakula bora  kwa lengo la kuleta maendeleo mazuri katika afya ya akili, kimwili, kuimarisha kinga za mwili, na kuzuia magonjwa nyemelezi pia kupelekea kuongezeka  kwa kiwango cha ufaulu katika shule husika.”

Aidha, Wajibu wa  viongozi ni pamoja na kuijulisha  jamii kuwa, hali nzuri ya lishe inatokana na  ulaji  wa Mchanganyiko  kutoka makundi matano ya chakula na siyo chakula cha aina moja. “ Alibainisha”

Hayo yamejiri wakati wa kikao cha tathimini cha  utekelezaji wa Mkataba wa lishe  katika kipindi cha Januari hadi Machi 2024 kilichofanyika tarehe 21 Mei 2024 katika ukumbi wa Manispaa ya Songea ambacho kilihudhuriwa na Maafisa Watendaji wa Kata pamoja na wakuu wa idara mbalimbali kwa lengo la kufanya mapitio ya utekelezaji wa afua za Lishe Manispaa ya Songea.

Akizungumza Katibu Tawala Wilaya ya Songea  Mtela Mwampamba  alisema “  Tunapoendelea  kuimarisha  Klabu za Lishe ni lazima tuhakikishe tunaimarisha  klabu hizo  kwa kufanya kazi kwa vitendo ikiwemo na uanzishaji wa bustani za lishe kwa shule za Msingi na Sekondari kwa lengo la kupata virutubisho vya lisho bora.

Kwa upande wake Mkurugenzi wa Manispaa ya Songea  Adv.  Bashir Muhoja amewataka Maafisa watendaji wa Kata, Wakuu wa shule za Msingi na Sekondari wahakikishe wanasimamia uanzishaji wa bustani za mboga mboga na matunda kila shule, kuimarisha klabu za lishe na ushiriki wa wazazi katika kuhakikisha mtoto anapata chakula bora awapo shuleni, Pia ametoa wito kwa wazabuni wote wanaosambaza chakula shueni wahakikishe wanapeleka chakula chenye viini lishe.

Alisema elimu ya uzazi iendelee kutolewa kwa wazazi kabla ya kushika ujauzito wapewe elimu ya afya ya uzazi ili iwasaidie kufanya maamuzi sahihi ya kuzaa kwa umri ulio sahihi na kuzaa mtoto mwenye afya njema na mwenye uzito kamili.  “ Adv. Alisisitiza.”

Akiyataja mafanikio  ya jumla katika utekelezaji wa Mkataba wa lishe ni pamoja na kuongezeka kwa viwanda vinavyosindika unga wa mahindi na kuongeza viinilishe kutoka 71% hadi 77% kwa sasa, kuendelea kufanya SALIKI ya Kta na Mitaa kwa kuzingatia miongozo, kuongezeka kwa shule za Msingi na Sekondari ambazo wanafunzi wake hutumia unga ambao umeongezwa virutubisho ( Fortified maize flower) kutoka 5.8% hadi 10.9% kwa sasa, kuongezeka kwa wanafunzi wanaopata chakula  angalau fvfggggmlo mmoja wanapokuwa shuleni  kutoka 53% hadi  62.6% hadi sasa. Alibainisha.

IMEANDALIWA NA;

AMINA PILLY;

KITENGO CHA MAWASILIANO SERIKALINI.