YALIYOJIRI ZIARA YA MADIWANI HALMASHAURI YA WILAYA YA CHALINZE

Tarehe ya kuwekwa: April 11th, 2024

Halmashauri ya Manispaa ya Songea kupitia baraza  la Madiwani Manispaa ya Songea wameweka mikakati madhubuti  ya kuboresha ukusanyaji wa mapato ya  ndani  kwa lengo la kuongeza mapato kutoka Bil 6 hadi Bil. 15 kupitia vyanzo vyake mbalimbali vya Halmashauri hiyo.

Katika kutekeleza mikakati hiyo Madiwani, viongozi wa CCM Mkoa na Wilaya,  pamoja na wataalamu wamefanya ziara ya kutembelea Halmashauri ya Chalinze na  Tanga Jiji kwa lengo la kwenda kujifunza nmna ya uendeshaji wa miradi ya kimkakati pamoja na ukusanyaji wa mapato ya madini ya ujenzi.

Ziara hiyo  imefanyika kuanzia tarehe  06  hadi tarehe  10 Aprili 2024 ambapo walitembelea Halmashauri ya Wilaya ya Chalinze  ambako walijifunza namna ya uendeshaji wa miradi ya kimkakati, ukusanyaji wa mapato ya ndani kupitia  madini ya ujenzi ambayo ni chanzo kikubwa cha mapaoto  cha  Halmashauri  hiyo  ambacho kinawezesha kuongeza mapato kwa asilimia 60% ambapo  huweza kukusanya mapato Bil. 15 kwa mwaka.

Akizungumza Naibu Meya Manispaa ya Songea Jeremiah Mlembe “ Lengo la ziara hiyo ni kujifunza  katika Halmashauri ya Wilaya ya Chalinze ambayo imeanzishwa mwaka 2016 lakini katika  ukusanyaji wa mapato  wamefikia hatua ya kukusanya Bil. 15  kwa mwaka ikiwa ni  mapato ambayo 60% yanatokana  na madini ya ujenzi. “ aliwapongeza.”  

Kwa upande wake Mwenyekiti wa CCM Mkoa wa Ruvuma Komredi Oddo Mwisho alisema” Chama cha Mapinduzi Mkoa wa Ruvuma kupitia viongozi wake wamekuwa bega kwa bega kuhimiza Manispaa ya Songea iweze kuwa Jiji na ili iweze kuwa Jiji ni lazima ikusanye mapato makubwa ambayo yatawezesha wananchin kupata huduma.

Akizungumza mheshimiwa Mbunge wa Viti ,Maalumu Jacqueline Msongozi alitoa shukrani kwa uongozi wa Manispaa ya Songea kwa kuandaa ziara ya kwenda  kujifunza nmna ya ukusanyaji wa mapato ya madini ya ujenzi   ambayo yanasaidia kukuza mapato ya Halmashauri .

IMEANDALIWA NA;

AMINA PILLY

KITENGO CHA MAWASILIANO SERIKALINI.