YALIYOJIRI ZIARA YA MAFUNZO KWA MADIWANI - JIJI LA TANGA

Tarehe ya kuwekwa: April 12th, 2024

Mstahiki Meya Manispaa ya Songea Mhe. Michael Mbano amewataka wataalamu pamoja na Madiwani   kutumia elimu ya  mafunzo waliyoipata  iweze  kuboresha  ukusanyaji wa mapato kwa lengo la kuongeza  kiwango cha  mapato  ya Halmashauri ya Manispaa ya Songea.

Kauli hiyo imetolewa kwenye ziara ya Madiwani na wataalamu walipotembelea Jiji la Tanga iliyofanyika trehe  09 April 2024 kwa lengo la kujifunza namna  walivyofanikiwa ukusanyaji wa mapato ya Halmashaurai hiyo.

Mhe. Mbano alisema “ Zipo ndoto za Manispaa ya Songea kuwa Jiji   endapo mapato yatakusanywa  kama ilivyokusudiwa  yatawezesha kufungua fursa nyingi za uwekezaji na kunufaisha  jamii ya kanda ya kusini . “Alisisitiza”

Akizungumza Mstahiki Meya wa Jiji la Tanga  Abrahman Shilow “Tumeguswa na ziara yenu kwasababu  ziara hiyo itasaidia kuboresha utendaji wa kazi baina ya Manispaa ya Songea na Jiji la Tanga. “ Aliwakaribisha”

Kwa upande wake Mkurugenzi Manispaa ya Songea  Adv. Bashir Muhoja alisema Nanukuu ”Tumefanikiwa kufanya ziara katika Halmashauri mbili tofauti ambapo Halmashauri ya Chalinze tumejifunza namna yao ya ukusanyaji wa  mapato ya madini ya ujenzi  ambapo kwa mwaka 2023/2024 Halmashauri ya Chalinze  wamekisia kukusanya   Bil. 15. Mwisho wa kunukuu”

 Adv. Muhoja aliongeza  kuwa, Katika Halmashauri ya Jiji la Tanga wamejifunza namna ya ukusanyaji wa mapato ya madini ya ujenzi  ambapo  Halmashauri  hiyo kwa mwaka 2023/2024  imekisia kukusanya mapato  kiasi  cha Bil. 19,145.700,000.

Alisema, ili kufanikisha  ukusanyaji wa mapato hayo inahitaji ushirikishwaji, kuwawezesha wakusanyaji wa mapato ikiwa ni sehemu ya kuwatia moyo ili waweze kukusanya mapato kwa kiasi kikubwa . “ Alibainisha.”

Kwa upande wa Madiwani walitoa shukrani kwa Mkurugenzi wa Manispaa ya Songea kwa kuandaa ziara ya mafunzo ya ukusanyaji wa mapato ya ndani kupitia vyanzo mbalimbali vya madini ya ujenzi  na namna ya usimaiaji wa miradi ya Kimkakati  inayotekelezwa kwenye Halmashauri hizo.

IMEANDALIWA NA;                                                                                                        

AMINA PILLY;

KITENGO CHA MAWASILIANO SERIKALINI.