ZIARA YA KATIBU NEC, UENEZI NA MAFUNZO PAUL MAKONDA ATOA MAAGIZO MKOANI RUVUMA

Tarehe ya kuwekwa: February 11th, 2024

Katibu Halmashauri kuu  ya Chama cha Mapinduzi CCM, itikadi, Uenezi na Mafunzo  Paulo Makonda amewataka viongozi wote Mkoani Ruvuma kufanya kazi kwa kufuata misingi na haki katika kuwahudumia wananchi ili kuondoa malalamiko kutoka kwa wananchi.

Kauli hiyo imetolewa jana tarehe 10 Februari 2024 akiwa ziarani Mkoani Ruvuma ambapo aliweza kuhutubia wananchi  katika uwanja wa Matarawe ambayo walishiriki waheshimiwa Wabunge Mkoani Ruvuma, viongozi wa vyama vya siasa, pamoja na wananchi iliyofanyika kwa lengo la kusikiliza kero kutoka kwa wananchi hao.

Makonda, akitoa  salaamu za pole kutoka kwa mheshimiwa Rais wa Jamhuri ya Muungano wa Tanzania alisema “ Chama cha Mapinduzi   (CCM) kimeungana na Mwenyekiti wa CCM kuipa pole familia ya Hayati Ngoyai Edward Lowasa na wanachama wote wa CCM  kwa kumpoteza kiongozi mpendwa  ambaye katika uhai wake alitoa mchango  mkubwa katika Taifa  kupitia nafasi zote alizohudumu  enzi za uhaai  wake.

Chama Cha Mapinduzi kinaungana na watanzania wote  katika kuomboleza msiba wa Hayati Ngoyai Edward Lowasa aliyekuwa Waziri Mkuu mstaafu  ambaye amefariki tarehe 10 Februari 2024 saa nane mchana katika Hospitali ya Moyo Muhimbili.

Aidha baaada ya salamu hizo za pole kwa famialia na watanzania wote, katibu mkuu alipokea malalamiko kutoka kwa wananchi na kisha kutoa ufafanuzi kulingana na hoja ziliulizwa  na kisha alitoa agizo kwa uongozi wa Mkoa kuitisha kikao cha kupokea kero ili kutatua changamoto za wananchi hao.

Ziara hiyo imekuwa ni muendelezo wa ziara katika mikoa mbalimbali ambayo anaendelea kufanya.

IMEANDALIWA NA;

AMINA PILLY;

KITENGO CHA MAWASILIANO SERIKALINI.