ZIWA Nyasa lilindwe kwa kuwekeza katika Utalii

Tarehe ya kuwekwa: August 27th, 2018

KATIBU Mkuu wa Wizara ya Maliasili na utalii Meja Generali Gaudance Milanzi (pichani )   amewataka wadau mbalimbali wa utalii nchini, kulilinda ziwa Nyasa kwa kuwekeza katika sekta ya Utalii kutokana na ziwa hilo kuwa na vivutio adimu vya utalii ambavyo bado havijaendelezwa ukilinganisha na uwekezaji  uliofanywa katika ziwa Nyasa upande wa nchi ya Malawi. 

Akizungumza na watumishi wa Idara yake katika mkoa wa Ruvuma kwenye ukumbi wa Hunt Club  mjini Songea, Meja Generali Milanzi  amesema hakuna sababu ya kulinda ziwa Nyasa kwa kutumia silaha nzito badala yake ziwa hilo linaweza kulindwa kwa kufungua milango ya uwekezaji na utalii. 

Ziwa Nyasa linaongoza Duniani kwa kuwa na aina zaidi ya 400 wa samaki wa mapambo ambao hawapatikani katika sayari nyingine yoyote Ulimwengu,ziwa hilo pia linaongoza duniani kwa kuwa na fukwe bora za asili,visiwa,mawe ya ajabu na vivutio vingine kama kuzungukwa na milima ya Livingstone stone.

Imeandikwa na Albano Midelo

Simu 0784765917,baruapepe albano.midelo@gmail.com